Të martën dhe të mërkurën, do të luhen ndeshjet e xhiros së gjashtë të Ligës së Kampionëve, ku faza e ligës i ka tetë xhiro dhe tani të gjitha duelet janë të rëndësishme për kualifikim.
Faza e ligës përbehet prej 36 skuadrave, ku tetë të parat kualifikohen direkt në 1/8 e finales, ndërsa ekipet prej pozitës së nëntë deri në të 24-tën luajnë në fazën e plejofit kurse 12-të skuadrat e fundit do të eliminohen.
Të martën luhen 9 ndeshje, ndërsa është të mërkurën zhvillohen nëntë tjera dhe pas kësaj xhiroje gjërat mund të japin një pasqyrë më të mirë sa i përket ekipeve që mund të avancojnë tutje.
Megjithatë, fokusi është te duelet e së martës, ku dy prej tyre nisin në orën 18:45 kurse shtatë të tjerat prej orës 21:00.
Atalanta – Real Madrid dhe Bayer Leverkusen – Inter, janë ndeshjet më interesante të mbrëmjes dhe priten duele të forta.
Real Madridi e kërkon me çdo kusht fitoren pasi nuk ka pasur ecuri të mirë në formatin e ri të Championsit, ku deri më tani ka regjistruar tri humbje dhe zë pozitën e 24-të me 6 pikë të mbledhura.
Në anën tjetër, Atalanta ku aktivizohet Berat Gjimshiti ka tri fitore e dy barazime dhe me 11 pikë të tubuara zë vendin e pestë.
Për humbje në Champions nuk di as Interi që është i dyti në tabelë me 13 pikë, tri më shumë se Leverkuseni i Granit Xhakës që renditet i gjashti.
Duelet tjera të orës 21:00, janë: Brest – PSV Eindhoven, Club Brugge – Sporting, Leipzig – Aston Villa, Salzburg – PSG dhe Shakhtar – Bayern Munchen.
Prej orës 18:45, luhen përballjet Dinamo Zagreb – Celtic dhe Girona – Liverpool.
