Pas tetë vitesh heshtjeje, Brad Pitt ka komentuar për herë të parë divorcin e tij nga Angelina Jolie.
Në një intervistë për GQ, ai thotë se zhurma rreth tij ka qenë pjesë e jetës për tri dekada.
“Jeta ime private është gjithnjë nëpër lajme. Ka qenë nëpër lajme për 30 vjet. Ose ndonjë version i jetës sime personale, për ta thënë kështu”, ka deklaruar ai.
I pyetur nëse momenti i finalizimit të divorcit me Jolie, i cili ndodhi në dhjetor të vitit 2024, ishte “çlirim” për të, ai është shprehur se nuk mendon që ishte diçka e madhe por thjesht diçka që u përmbush. Ligjërisht.
Jolie kishte kërkuar zgjidhjen e martesës në shtator të vitit 2016.
“Më shumë se 8 vite më parë, Angelina kërkoi divorcin nga Pitt. Ajo dhe fëmijët u larguan nga të gjitha pronat që kishin me Pitt dhe prej atëherë, ajo është përqendruar te gjetja e qetësisë dhe shërimit për familjen e tyre”, tha asokohe avokati i saj për Page Six.
Por fëmijët e tyre kanë refuzuar çdo kontakt me Pitt. Vajza e madhe e çiftit, Shiloh, e hoqi ligjërisht mbiemrin e të atit.
Nga ana tjetër, në jetën e aktorit ka pasur zhvillime të reja.
Prej disa kohësh, ai është i lidhur me Ines de Ramon dhe për herë të parë u shfaqën publikisht si çift në një garë të Formula 1, në British Grand Prix.
Në intervistën për GQ, ai u pyet nëse kjo ishte një zgjedhje e qëllimshme.
“Jo, nuk është kaq e përllogaritur. Nëse jeton, oh Zot, sa rraskapitëse do të ishte kjo? Nëse jeton duke bërë këto llogari? Jo, jeta thjesht përparon. Marrëdhëniet përparojnë”, përmbylli ai.
