Po lëvizë figurat në lojën e shahut.
Mirëpo disa vendime që kanë ndikimin në jetën e tyre, ky pensionist thotë se nuk po lëvizin.
Ai nuk e ka pritur aspak mirë dështimin në Kuvend, të pakos për përballje me inflacionin.
“Unë nuk e di çfarë deputet janë ata, kur kryeministri po përpiqet me e dhanë centin e fundit me ju ndihmuar popullatës, nevojtarëve, të varfërve e ata nuk e votojnë se ata rrogat e mira i kanë ata me vota të popullit po luajnë ata, se prej një planeti tjetër nuk janë ardh veç ka me ardh një ditë që nuk kanë me kanë ata aty”, ka thënë një pensionist.
“Këta janë ose të krisur ose të shitur, ata që nuk e votojnë me ju ndihmu fëmijëve, pensionistëve, lehonave njerëzve që kanë më së shumti nevojë ose janë të krisur ose për mua janë të shitur”, u shpreh tutje një pensionist tjetër.
Por ndryshe nga ta, mendon një pensionist tjetër.
“Boll mirë ia kanë bë se me ia dhanë Albinit 200 milionë e me i bo rrush e kumbulla qysh i ka bë deri tash boll keq është”, theksoj një pensionis tjetër .
Pakoja për përballje me inflacion, sipas kryetarit të lidhjes së pensionistëve do të ishte vetëm një zgjidhje afatshkurte.
“Kjo ndihmë e përkohshme ka qenë e mirëseardhur, mirëpo nuk ka zgjidhe kurfar problem për pensionistët. Ne insistojmë që problemet të zgjidhen me anë të ligjit, pra të vihet një ligj për fondin pensional edhe të zgjidhet çështja e përhershme. Që nuk është votuar nuk është mirë, një far dobësie shtetërore, që nuk u aprovu. T’i kishim marrë bile pak e nga pak kishim bërë një mini-zgjidhje të problemit”. u shpreh Kastrati.
Pakoja e prezantuar nga ministri i Financave Hekuran Murati, kishte për qëllim ndihmën edhe për punonjësit e sektorit privat.
Prandaj, nga Sindikata po kërkojnë që kjo pikë të rikthehet edhe një her për votim.
“Ne e kemi kundërshtuar mosovotimin e kësaj pakojë sepse njerëzit e varfër nuk u intereson kush po e voton e kush jo. Por të indinjuar e kemi marrë lajmin sepse është dashur që të votojnë pavarësisht, që ne jemi të bindur që kjo ka një prapavijë politike. Ne i bëjmë thirrjeve deputetëve të Kosovës, sepse kanë kohë deri nesër që të aprovojnë këtë pako”, ka thënë Azemi.
E ekonomisti Jakup Bellaqa tregon se inflacioni është rritur dukshëm në muajt e fundit.
“Çdo rritje dhe mbështetje financiare për shoqëritë e caktuara, për kategoritë e caktuara, sidomos ato sociale me të hyra të ulëta, kategoritë pensionale, po edhe të punësuarit në sektorin privat me të hyra të ulëta, është e mirë se ardhur. Inflacioni është duke u rritur, sipas ASK-së muajin e kaluar 6.5% ka qenë inflacioni më i lartë se çdo herë. E të hyrat apo pagat ka vite që nuk ndryshojnë, bile është dashur edhe më herët. Shpresoj që të miratohet sa më shpejtë kjo e zgjedh në aspektin afatshkurtër gjendjen”, theksuar Bellaqa.
Pakoja për Përballjen me Inflacionin nuk u votua nga Kuvendi, pasi partitë opozitare e konsideruan si një tentativë të pushtetit për blerje vote, në një kohë kur zgjedhjet e jashtëzakonshme duken të pashmangshme.
