Zëdhënësi i PDK-së, Faton Abdullahu ka thënë për Teve1.info se nënkryetarja e kësaj partie, Vlora Çitaku do të përfaqësojë Partinë Demokratike të Kosovës në takimin me Osmanin.
Sipas tij, Çitaku do të shpalos qëndrimet e PDK-së në lidhje me mbajtjen ose jo te zgjedhjeve.
“Nënkryetarja Çitaku e përfaqëson PDK në takim. Qëndrimet tona do t’i shprehim aty. Na intereson qëndrimi i qeverisë për situatën dhe aftësia e tyre për garantim të kushteve për mbajtjen ose jo të zgjedhjeve”, ka deklaruar Abdullahu.
Presidentja e Kosovës, Vjosa Osmani, sot do t’i pret në takim partitë politike për konsultim lidhur me zgjedhjet komunale në komunat veriore: Mitrovicë e Veriut, Leposaviq, Zubin Potok dhe Zveçan.
Kujtojmë se zgjedhjet në veri janë përcaktuar të mbahen më 18 dhjetor. Mirëpo, Shtetet e Bashkuara të Amerikës dhe Gjermania kanë kërkuar që ato të shtyhen, pasi siç thanë ata, nuk janë kushtet e duhura për zhvillimin e tyre. /Teve1.info/
