Shefi i Grupit Parlamentar të PDK-së, Abelard Tahiri, tha se në shenj revolte partia që ai e përfaqëson nuk merr pjesë në seancë plenare të Kuvendit të Kosovës, derisa tha se i refuzojnë edhe mëditjet, raporton teve1.info
Tahiri tha se si parti e e shprehin zhgënjimin për koeficientin e prezantuar nga Qeveria.
“Si Grup Parlamentar i PDK-së shprehim zhgënjimin me përcaktimin e koeficientit nga Qeveria. Është një koeficient i mjerimit, e thellon varfërinë në vendin tonë, koeficient që është mbajtur i fshehur nga kryeministri për mbi 82 mijë punonjës publik. Ky koeficient i demotivon të rinjtë e të rejat që dëshirojnë të jenë anëtarë në FSK, Polici e administratë.
Andaj vazhdimi i kësaj seance është i pakuptimtë, kërkojmë nga Qeveria ta rishqyrtoj këtë koeficient, pasi i njëjti e thellon krizën në vendin tonë. Prandaj si Grup parlamentar në shenj revole për caktimin e këtij koeficienti nuk do të vazhdojmë të qëndrojmë në seancë”, tha Tahiri.
I pyetur nga kryetari i Kuvendit, Glauk Konjufca se si do të veprojnë me mëditjet për seancë plenare, Tahiri tha se i refuzojnë ato.
“Ne do t’i refuzojmë edhe mëditjet, padyshim”, u shpreh Tahiri.
