Futbollisti i Chelsea, Kai Havertz është shumë pranë transferimit në Spanjë të Reali i Madridit. Këtë e bën të ditur gazeta gjermane “Bild”, sipas së cilës, presidenti i Realit, Florentino Perez, është i gatshëm t’i bëjë klubit të Chelsea-t një ofertë prej 60 milionë eurosh.
Largimet nga “Los Blancos” në ditët e fundit të sulmuesve si Karim Benzema dhe Marco Asensio, bëjnë që Reali të kërkojë të mbushë boshllëqet me elementë cilësorë.
Emri i Havertz nuk është i vetmi që pëlqehet nga drejtuesit spanjollë. Harry Kane është një tjetër alternativë për madrilenët, por problem është vlera e lartë e kartonit që synon Tottenhami.
