Një person është arrestuar nga Policia e Kosovës, pasi që i njëjti mbrëmë në rrugën “Medlin Olbrajt”, në Pejë ka sulmuar zyrtarët policorë.
I dyshuari, kishte qenë pasagjerë në një veturë derisa policët i kanë shqiptuar një gjobë vozitësit, ku i njëjti më pas kishte dalë nga vetura dhe ka kundërshtuar shqiptimin e gjobës.
Policia thotë se i arrestuari kishte qenë agresiv duke i kapur duarve dhe shtyrë zyrtarët policorë në prani të qytetarëve.
Ndërsa, lidhur me këtë rast prokurori ka vendosur që i dyshuari të dërgohet në mbajtje.
Njoftimi i Policisë së Kosovës:
Rr. Medlin Olbrajt, Pejë, 21.07.2023-20:30. Është arrestuar i dyshuari m/k, pasi që i njëjti kishte qenë pasagjerë në një veturë dhe deri sa zyrtarët policorë i kanë shqiptuar një gjobë vozitësit të veturës, i dyshuari i lartcekur kishte dalë nga vetura dhe e kishte kundërshtuar shqiptimin e gjobës si dhe kishte qenë agresiv duke i kapur për duarve dhe shtyrë policët në prani te qytetarëve. Me vendim të prokurorit kujdestar, i dyshuari është dërguar në mbajtje./teve1.info/
