Zëdhënësi i AUV-it Lamir Thaçi ka thënë për teve1.info se gjatë inspektimit janë gjetur edhe produkte të tjera me afat të skaduar të cilat janë asgjësuar.
Sipas Thaçit, ndaj marketit do të iniciohet fletëparaqitje për Gjykatë.
“Agjencia e Ushqimit dhe Veterinarisë pas marrjes se ankesës me dt.23.04.2022, në subjektin “Viva fresh” SHPK, njësia nr.09- Veternik, sot më dt. 25.04.2022 është inspektuar dhe janë gjetur disa lloje të produkteve të mishit me afat të skaduar. Trupa inspektuese ka konstatuar se ne raftet e shitjes kishte produkte me afat të skaduar ashtu siç është ankuar konsumatori. Përveç produkteve, llojeve të produkteve qe janë dërguar në ankesë, gjatë inspektimit është hasur edhe në produkte të tjera me afat të skaduar, të cilat produkte menjëherë janë larguar dhe asgjësuar. Ndaj subjektit afarist, sipas procedurës ligjore do të iniciohet fletëparaqitje për Gjykatë”, bëri të ditur Thaçi.
Para tre ditësh, teve1.info ka raportuar se një market në Prishtinë kishte në shitje një produkt të cilit i kishte skaduar afati prej një jave.
https://teve1.info/lajmet/mishi-me-afat-te-skaduar-prej-nje-jave-qendron-ne-nje-market-te-prishtines/
