Pas finales së Kupës, basketbolli sërish në aksion me super ndeshjet e javës së 21-të të Superligës.
Derbi i kësaj jave do të zhvillohet në kryeqytet, ku përballen rivalët e vjetër, Sigal Prishtina dhe Trepça.
Të dy skuadrat janë në formë të ndryshme në këtë kampionat me prishtinasit që ndodhen në vendin e gjashtë me tetë fitore e 12 humbje, kurse ‘Xehetarët’ pasi fituan Kupën synojnë të vazhdojnë me fitore, derisa ndodhen në vendin e parë me 17 fitore e tri humbje, ndërsa kanë 11 fitore radhazi në elitë.
GO+ Peja – Vëllaznimi është një sfidë shumë e rëndësishme për të dy skuadrat. Pejanët kanë dhjetë fitore e dhjetë humbje, kurse kuqezinjtë shtatë fitore e 13 humbje.
Sfidë e rëndësishme është edhe ajo mes Rahoveci 029 dhe Golden Eagle Yllit, ku fitorja është e rëndësishme për të dy skuadrat. Vreshtarët kanë gjashtë fitore e 14 humbje, kurse në anën tjetër therandasit tetë fitore e 12 humbje.
Të shtunën në Pallatin e Rinisë dhe Sportit në Prishtinë do të ndeshen Bora dhe Bashkimi. Prishtinasit kanë dhjetë fitore e dhjetë humbje, kurse në anën tjetër Portokallezinjtë 14 fitore e gjashtë humbje.
Superliga-Java 21
E premte
19:30 GO+Peja – Vëllaznimi
19:30 Rahoveci 029 – Golden Eagle Ylli
E shtunë
17:30 Bora – Bashkimi
20:30 Sigal Prishtina – Trepça
