Ky numër me ngjyrë të kuqe tregon se ky kandidat ka më pak vota se herën e parë.
Të tillë si Fetah Paçarizi nga Partia Demokratike e Kosovës ka edhe dhjetëra kandidatë të tjerë.
E për këto ndryshime në numërim, 23 komisionerë, nga 109 të arrestuar në Prizren, shkuan në paraburgim.
Por ende është e paqartë çfarë do të ndodhë me kandidatët për deputetë.
Politologu Melazim Kocin thotë se këta kandidatë duhet të largohen nga partia.
Sipas tij, nëse partitë nuk ndërhyjnë tregojnë që edhe vet ato janë të përfshira në këtë proces.
“Në rastet e votave të tepërta ose të mangëta deri në 100/150 vota mendoj që nuk është problematike sepse mund të jetë edhe problemi i faktorit njeri, gabimeve teknike që lëshohen. Por në rastet kur ka 1000,2000,3000 e deri 6000 vota, mendoj që është e pakontestueshme që ata kandidatë duhet të tërhiqen vet, por nëse jo vet partia duhet të ndërhyj dhe ti largoj edhe nga partia nëse konstatohet kuptohet që ata kanë dorë edhe është jo e besueshme që mijëra vota të i shtohen dikujt pa kurrfarë ndërhyrje të tij ose të subjektit, pra në këtë rast kemi të bëjmë me përgjegjësi të dyfishtë” , shprehet Koci.
Përveç largimit nga partia, drejtori i organizatës “Syri i Vizionit”, Veton Mujaj, thotë se kandidatët duhet të përballen edhe me pasojat ligjore.
“Duke e ditë që ka filluar edhe procesi gjyqësor ndaj komisionarëve në një formë të caktuar duhet të merret parasysh edhe mundësia e intervistimit të kandidatëve për deputetë, një pjesë e këtyre kandidatëve më të gjithë këtë zvogëlim të votave në një farë forme fillimisht për shkak të aspektit etik do të duhej që vet të japin dorëheqje ose të ia lëshonin vendin dikujt tjetër. Por duke e ditë që në shoqninë tanë nuk kemi pas raste të shpeshta kur dikush merr përgjegjësi atëherë do të duhej që partitë politike të marrin vendim ti largojnë nga partia që iu përkasin, edhe pse nuk munden me ia marrë mandatin për deputet, por ta largojnë përgjegjësinë prej tyre”, thotë Muja.
Mujaj thotë se shumica prej komisionerëve janë edhe familjarë të këtyre kandidatëve dhe kjo e bën edhe më të vështirë procesin.
Televizioni iu ka drejtuar me pyetje edhe tri partive politike, Lëvizjes Vetëvendosje, Partisë Demokratike të Kosovës dhe Lidhjes Demokratike të Kosovës se çfarë hapa do të ndërmarrin për këta kandidatë, por asnjëra nuk kanë kthyer përgjigje.
