Parlamenti Evropian ka kërkuar nga Serbia normalizimin e marrëdhënieve me Kosovën, duke theksuar se përparimi i saj drejt anëtarësimit në Bashkimin Evropian varet nga reformat në sundimin e ligjit dhe respektimi i standardeve demokratike.
“Serbia duhet të tregojë angazhim të vërtetë ndaj vlerave të Bashkimit Evropian. Përparimi drejt anëtarësimit në BE është i mundur vetëm përmes reformave në sundimin e ligjit dhe forcimit të standardeve demokratike. Serbia duhet t’i normalizojë marrëdhëniet me Kosovën. Për zgjidhjen e krizës politike nevojiten zgjedhje të lira dhe të ndershme”, shkruan në X Parlamenti Evropian.
Përveç normalizimit të marrëdhënieve me Kosovën, institucioni evropian vuri theksin edhe te nevoja për reforma në sundimin e ligjit, forcimin e standardeve demokratike dhe organizimin e zgjedhjeve të lira e të ndershme, si kushte thelbësore për avancimin e Serbisë në procesin e integrimit evropian.
Serbia must show real commitment to EU values.
Progress towards EU membership is only possible with rule of law reforms and stronger democratic standards. Serbia must normalise relations with Kosovo. Free and fair elections are needed to solve the political crisis. pic.twitter.com/GC381mopGO
— European Parliament (@Europarl_EN) July 12, 2026
