Në njoftimin e Qeverisë thuhet se në këtë takim është biseduar për vazhdimin e dialogut me Serbinë.
“Gjatë takimit u theksua përkushtimi për vazhdimin e bashkëpunimit dhe bashkërendimit ndërmjet Qeverisë së Republikës së Kosovës dhe përfaqësuesve të Bashkimit Evropian, Shteteve të Bashkuara të Amerikës, Gjermanisë, Mbretërisë së Bashkuar, Francës dhe Italisë. U bisedua për takimet e ardhshme në Bruksel si dhe proceset e çështjet lidhur me dialogun ndërmjet Republikës së Kosovës dhe Serbisë”, thuhet në njoftim.
Më 18 gusht pritet që kryeministri i Kosovës, Albin Kurti dhe presidenti i Serbisë, Aleksandar Vuçiq të takohen në Bruksel në kuadër të dialogut të ndërmjetësuar nga Bashkimi Evropian. /Teve1.info/
