Policia e Kosovës ka sekuestruar armë dhe municion në Rahovec, pas publikimit të fotografive dhe ekspozimit të tyre në rrjetet sociale.
Sipas njoftimit, zyrtarët e Stacionit Policor në Rahovec, përmes rrugëve operative dhe hetimore, kanë arritur t’i identifikojnë personat e dyshuar.
Në koordinim me Prokurorin e Shtetit, policia ka realizuar kontrolle në objektet e banimit të të dyshuarve, ku janë gjetur dhe sekuestruar: një pushkë e gjatë automatike, një pushkë snajper, si dhe 25 fishekë të kalibrave të ndryshëm.
Lidhur me rastin është njoftuar Prokurori i Shtetit, i cili ka urdhëruar inicimin e rastit penal për veprat penale “Mbajtja në pronësi, kontroll ose posedim të paautorizuar të armëve” dhe “Përdorimi i armës apo mjetit të rrezikshëm”.
Hetimet lidhur me rastin janë duke vazhduar./teve1.info/







