Të hënën në mesditë, një 49-vjeçar ka humbur jetën në lagjen Veternik në Prishtinë, pasi ka rënë nga një lartësi derisa ishte duke punuar.
Zëdhënësja e Policisë për Rajonin e Prishtinës, Flora Ahmeti, ka konfirmuar për KOHËN se rasti është raportuar rreth orës 10:00.
“Viktima mashkull, 49 vjeç, nuk ka arritur të përballojë plagët dhe i njëjti në vendin e ngjarjes ka ndërruar jetë. Vdekjen e viktimës e ka konstatuar ekipi mjekësor në vendngjarje”, ka thënë Ahmeti.
Policia, në koordinim me Prokurorinë dhe Inspektoratin e Punës, ka nisur hetimet për të sqaruar rrethanat e rastit.
Tëvë1 ndodhet në vendin ku ka ndodhur rasti.
