Ka gati 3 dekada që vuan nga sëmundja e diabetit.
E kjo sëmundje kronike e ka detyruar Zymryte Maqestena që shpesh herë të drejtohet në repartin e Endokrinologjisë në Qendrën Klinikë Universitarë të Kosovës për tu trajtuar.
Trajtimi në këtë klinikë sipas Maqestenës, bëhet në mënyrën më të mirë të mundshme përkundër atyre pak vështirësive që hasin.
“Në klinikë nuk kemi pasur vështirësi, unë thuajse çdo vit jam e shtrirë këtu në endokrinë, por nuk kam pasur vërejte ndonjë herë kemi pasur mungesë të insulinave, aty nuk ka qenë faji i klinikës, ka qenë faji i ministrisë që nuk i ka furnizuar edhe neve pacienteve po edh klinikën. Klinika lufton me atë çka ka, me atë se çka i ofron ministria”, tregon ajo.
E ajo thotë se këtë sëmundje do të ia lehtësonte pompa për matjen e sheqerit në gjak.
“Ajo kish qenë shumë e mirë, por tash ata në ministri e dinë se çka bëjnë dhe tek bëjnë, se nuk po mundem me u përzier në disa gjëra që nuk jam kompetente, por ajo kishte me qenë një lehtësim shumë i madh për neve, shpimi i çdo kohë para kohe dhe pas kohe ajo është shumë e vështirë. Me pas ato aparatet është shumë mirë”.
Por se sa pacientë më sëmundje të diabetit trajtohen në klinikën e Endokrinologjisë?
“Diku 11% të popullatës mbarë botërore ka diabet, kurse në Kosovë diku 7.9% në bazë të punimeve që janë bërë në IKSHP, ndërsa si pre-diabet kap diku 6.1. Në klinikw diku 87% i kemi diabet tip2 11% me tip 1 dhe 1.6% me gestacional, deri në 3% sipas statistikave është në Kosovës, por vetëm 1,6% vijë e trajtohen shtatzënat që kanë sëmundjen e sheqerit. Diku 15 mijë pacientë i kemi brenda vitit”, deklaroi Merita Emini-Sadiku, drejtoreshë e Klinikës së Endokrinologjisë.
Ndër të tjerash, e para e kësaj klinike tregoi edhe për sëmundjet e tjera që sjellë diabeti.
“Kemi numrin shumë të vogël të vdekurve pavarësisht komplikimeve shumë të mëdha të pacienteve me diabet. Ajo çka na duam të theksojmë është se diku 65% të pacientëve me diabet tanë kanë komplikime kronike, këto komplikime nënkuptojnë si ato mikrovaskulare. Nga këto dominojnë diku 53% femra, 46% meshkuj mosha mesatare është 63 vjet dhe koha e zgjatur me diabet është 11.7 vjet por maksimumi kemi pacientët që kanë sëmundjen e sheqerit për 40 vjet e më shumë”.
Për këta pacientë, shefi i repartit thotë se qëndrojnë mirë me insulina, përveç disa barnave të reja që duhet të bëhen pjesë e listës esenciale.
“Sa i përket terapisë me insulina mirë jemi, nuk kemi telashe, me brana qëndrojmë pak e sidomos me ato të barnat e gjeneratës së re ende nuk i kemi futur të gjitha në listë esenciale,ndërsa ato që i kemi bazike i kemi në dispozicion, primarë është që insulinë kemi gjithmonë”, tha shefi i Repartit të Endorinologjisë, Bardhyl Gashi.
Në klinikën e Endokrinologjisë funksionojnë reparte si ai i Diabetologjisë, Endokrinologjisë dhe sëmundjeve metabolike.
Të premten u shënua Dita Ndërkombëtare e Diabetit, me ç’rast u bë thirrje për kontrolle periodike dhe stil të shëndetshëm jetese.
