Ballkani vazhdon kryesimin në Superligë me 50 pikë, dy me shumë se Drita 48. Ekipi suharekas barazoi 1:1 me Dritën në kryendeshjen e xhiros së 24 në elitën e futbollit kosovar.
Një ndeshje e nisur mire nga vendasit, teksa arritën edhe të kalojnë në epërsi me kapitenin Edvin Kuc. Kuc shënoi në minutën e 16’ me kokë në brendësi të zonës, pas një harkimi nga Potoku.
Mirëpo mysafirët u rikthyen në lojë dhe me Leonard Vitijën në minutën 35 barashpeshuan shifrat, vetëm dy minuta me pas Ajzeraj ka mundur ta dyfishoi lojën por Luljanovici bëri heroin, dhe kështu skuadrat shkuan në pushim të barabartë.
Ndërsa raste të mira ekipi mysafir tregoi edhe në pjesën e dytë me Baftiu që goditi shtyllën dhe me Jasharin që provoi dy here nga distance. Derisa te Ballkani rrezikuan me Rrahmanin por tentimi i tij ishte i plogësht.
Ndërsa e zbehtë ishte ndeshja në stadiumin sintetik në Gjilan. Gjilani dhe Prishtina luajtën baraz pa gola në ndeshjen tjetër që ishte në kuadër të xhiros së 24.
Një ndeshje që me shumë u luftua në mesin e fushës, por pa pasur raste të rrezikshme për gol.
Gjilani tani ka 39 pikë, kurse Prishtina ka 32 në vendin e katërt.
