Osmani ka thënë se ka rikonfirmuar raportet e shkëlqyera mes Kosovës dhe Maqedonisë së Veriut, mbështetjen e ndërsjellë drejt integrimit evropian si dhe qëndrimin e përbashkët në raport me situatën e sigurisë në Evropë.
Tutje Osmani theksoi se sa më shpejtë që vendet e përkushtuara të Ballkanit Perëndimor të bëhen pjesë e BE-së, sipas saj aq më shumë do të pengohet ndikimi rus në rajon, shkruan teve1.info
Presidentja Osmani njoftoi se me presidentin Pendarovski do të vazhdojnë komunikim të ngushtë për të përafruar më shumë Kosovën dhe Maqedonin e Veriut.
“Sa më shpejtë që vendet e përkushtuara të Ballkanit Perëndimor të bëhen pjesë e BE-së, aq më shumë do të pengohet ndikimi rus në rajon nëpërmjet satelitëve të saj. Me presidentin Pendarovski do ta vazhdojmë komunikimin e ngushtë për t’i përafruar edhe më shumë dy vendet tonë” ka shkruar Osmani në Facebook.
