Ish-presidentja e Kosovës, Vjosa Osmani, ka publikuar përsëri një video sot ku ka reaguar ndaj kritikave lidhur me takimet e saj të fundit me qytetarë nëpër komuna, duke theksuar se këto vizita nuk janë diçka e re.
Përmes kësaj video, Osmani ka bërë të ditur se gjatë gjithë mandatit të saj ka qenë vazhdimisht në terren, duke takuar qytetarë dhe duke mbështetur grupe të ndryshme në shoqëri.
“Meqenëse ka njerëz politikës që po ankohen pse po i takoj qytetarët këto ditë e disa madje po dezinformojnë që këtë nuk e kam bërë më herët ja e vërteta. Përgjatë 5 viteve mandat vazhdimisht kam vizituar komunat, kamë takuar qytetarët kam mbështetur grupet e margjinalizuara dhe kam qenë pranë njerëzve të vyer e të urtë të vendit tonë. Vizitat në fshatra e lagje të ndryshme në shumë shkolla, kopshte në spitale në institucione që e mbajnë këtë shtet të fortë dhe po edhe në shoqatën e zjarrfikësve”, ka deklaruar Osmani.
Ajo ka shtuar se vizitat e saj kanë përfshirë fshatra dhe lagje të ndryshme, si dhe institucione si shkolla, kopshte, spitale dhe organizata të tjera që kontribuojnë në funksionimin e shtetit.
“Këto vizita nuk janë ndalur asnjëherë sikurse dje, ashtu edhe sot e mbi të gjitha në të ardhmen bazamenti më i fortë i angazhimit tim do të mbetët pikërisht lidhja me qytetarët sepse Kosova është atdheu ynë i përhershëm, shihemi në komunën e radhës”, ka përfunduar Osmani.
