Presidentja e Kosovës, Vjosa Osmani të premten në New York ka takuar të ngarkuarën me punë të Misionit të ShBA-ve në OKB, ambasadoren Dorothy Shea.
E para e shtetit bashkë me ambasadoren kanë diskutuar për avancimin e mëtejshëm të marrëdhënieve strategjike ndërmjet Kosovës dhe ShBA-ve.
Derisa, ajo ka shtuar se aleatët amerikanë janë fuqishëm të përkushtuar për anëtarësimin e plotë të Kosovës në Kombet e Bashkuara.
“Mirënjohëse për riafirmimin e qartë të Shteteve të Bashkuara se Kosova mbetet partner i ngushtë strategjik i SHBA-ve dhe se aleatët tanë amerikanë janë fuqimisht të përkushtuar për anëtarësimin e plotë të Kosovës në Kombet e Bashkuara. Ndër të tjera, dje në Neë York, në takim me të ngarkuarën me punë të Misionit të SHBA-ve në OKB, Ambasadoren Dorothy Shea, diskutuam edhe për avancimin e mëtejshëm të marrëdhënieve strategjike ndërmjet Kosovës dhe SHBA-ve”, ka shkruar presidentja./teve1.info/
