Presidentja e Kosovës, Vjosa Osmani, ka thënë se Kosova qëndron me popullin e Spanjës në këtë kohë të vështirë, pas përmbytjeve që kanë përfshirë disa qytete.
Osmani përmes një postimi në platformën “X”, u ka shprehur ngushëllime të gjithë atyre që humbën të afërmit nga përmbytjet e së martës në rajonin lindor të Spanjës.
“Lajm tronditës nga Valencia, Andaluzia dhe Murcia. Mendimet tona janë me të gjithë të prekurit nga këto përmbytje shkatërruese. Ne shprehim ngushëllimet tona më të thella për ata që kanë humbur të dashurit dhe qëndrojmë me popullin e Spanjës në këtë kohë të vështirë, duke i uruar forcë dhe qëndrueshmëri të gjitha komuniteteve që punojnë për rindërtim”, ka shkruar Osmani.
Të paktën 62 njerëz kanë vdekur nga përmbytjet si pasojë e shirave të rrëmbyeshme të martën në rajonin lindor të Spanjës, Valencia, njoftuan autoritetet.
Heartbreaking news out of Valencia, Andalusia, and Murcia. Our thoughts are with everyone affected by these devastating floods.
We extend our deepest condolences to those who have lost loved ones and stand with the people of Spain in this difficult time, wishing strength and…
— Vjosa Osmani (@VjosaOsmaniPRKS) October 30, 2024
