Presidentja e Kosovës, Vjosa Osmani, ka pranuar letrat kredenciale nga ambasadori i ri i Shqipërisë, Petrit Malaj.
Osmani i ka uruar detyrën ambasadorit të ri, ku shpreson që gjatë mandatit të tij të intensifikohen edhe më tej marrëdhëniet bilaterale mes Kosovës dhe Serbisë.
Sipas Presidentes Osmani, bashkëpunimi ndërmjet Kosovës dhe Shqipërisë, sidomos në unifikimin e politikës së jashtme mbetet prioritet.
“Fuqizimi i vazhdueshëm i koordinimit diplomatik është interes jo vetëm i shteteve tona, por edhe i rajonit në tërësi”, ka theksuar Osmani, njofton Zyra e Presidencës së Kosovës.
Në këtë takim, është bërë e ditur se Malaj ka thënë që pret që Shqipëria të jetë zë i Kosovës në mekanizmat dhe organizatat ndërkombëtare, në të cilat aktualisht Kosova nuk ka përfaqësim.
“Presidentja Osmani, ndër të tjera e njoftoi ambasadorin Malaj edhe për zhvillimet e fundit në vend, si dhe mbi aktin e agresionit të Serbisë kundër Republikës së Kosovës, me ç’rast, Presidentja Osmani potencoi rëndësinë e adresimit të përgjegjësisë të Serbia dhe aplikimit të masave ndëshkuese ndaj saj”, thuhet tutje në njoftim./teve1.info.
