Ajo ka ofruar mbështetje të institucioneve të Kosovës në këtë proces për shqiptarët e Luginës së Preshevës që jetojnë në Kosovë.
Presidentja Osmani ka bërë thirrje që shqiptarët t’i përgjigjen masivisht regjistrimit të popullsisë, i cili është i hapur deri në fund të këtij muaji. Sipas Presidentes Osmani, pjesëmarrja sa më masive në regjistrim është masë kundrejt politikës shoviniste të Serbisë, e cila po përpiqet të realizojë spastrim etnik nëpërmjet masave administrative. Presidentja ofroi mbështetjen e institucioneve të Kosovës dhe të përfaqësive tona diplomatike për të bërë thirrje për regjistrim tek të gjithë shqiptarët e Preshevës, Bujanocit dhe Medvegjës që jetojnë në Kosovë apo në vende të tjera”, ka thënë ajo gjatë takimit që ka zhvilluar me përfaqësues institucional e politik të shqiptarëve nga Presheva, Medvegja e Bujanoci.
Osmani ka kërkuar unitet nga përfaqësuesit politik dhe institucional të këtyre komunave.
Osmani ka theksuar se në të gjitha takimet me përfaqësues ndërkombëtar në vazhdimësi ka ngritur problemet me të cilat përballen shqiptarët e Preshevës, Medvegjës e Bujanocit, si pasojë e politikës së Qeverisë së Serbisë, duke synuar ndërkombëtarizimin e kërkesave për të drejtat e shqiptarëve./teve1.info/
