Presidentja e Kosovës, Vjosa Osmani u ka shprehë ngushëllime familjes dhe bashkëpunëtorëve për ndarjen nga jeta të ish-kryeministrit të Shqipërisë, Fatos Nano
E para e vendit ka thënë se Nano ishte një prej figurave të tranzicionit demokratik në Shqipëri i cili sipas saj, luajti rol në transformimin politik pas viteve ’90.
“Si themelues dhe udhëheqës i Partisë Socialiste, Fatos Nano pati rol transformues në drejtimin e saj, duke e shndërruar në një forcë moderne, evropiane dhe të përkushtuar ndaj dialogut politik. Përmes vizionit të tij, ai kontribuoi në ndërtimin e një kulture më paqësore dhe më bashkëpunuese në jetën politike shqiptar. Në këtë ditë të dhimbjes, shpreh ngushëllimet më të sinqerta për familjen Nano, të afërmit, Partinë Socialiste dhe bashkëpunëtorët”, thuhet në postimin e Presidencës./teve1.info/
