I ftuar në emisionin “Info Nata”, Osmani tha se ndihet shumë i shqetësuar me veprimet e sindikatës së arsimit për të cilën thotë se është duke marrë veprime të pamatura.
“Unë jam shumë i shqetësuar për këto veprime, janë veprime të pamatura të sindikatës duke pasur parasysh se fusha e arsimit gjithmonë ka qenë në qendër të vëmendjes edhe për zhvillime të tjera në Kosovë”, tha ish – ministri i arsimit.
BSPK dhe SBASHK që nga 25 gushti kanë hyrë në grevë, duke kërkuar ndarje të 100 eurove për të gjithë punëtorët deri në hyrjen në fuqi të Ligjit për Paga.
Kryeministri, Albin Kurti ka ftuar në takim të martën anëtarët e Këshillit Grevist të Bashkimit të Sindikatave të Pavarura të Kosovës.
Ndërkohë edhe KMDLNj edhe Këshilli i Prindërve të Kosovës ka bërë thirrje që të ndërpritet greva dhe të nis procesi mësimor./Teve1.info/
