Presidentja e Kosovës, Vjosa Osmani, ka njoftuar se përveç aktit të njohjes së Kosovës nga Bahamas, të premten në Nassau, së bashku me Kryeministrin Philip Davis, kanë nënshkruar edhe Marrëveshjen për vendosjen e marrëdhënieve diplomatike.
Përmes një postimi në Facebook, Osmani ka theksuar se ky akt forcon subjektivitetin ndërkombëtar të Kosovës dhe zgjeron rrethin e shteteve mike që mbështesin vlerat e lirisë, sovranitetit dhe bashkëpunimit.
Ajo ka shtuar se Kosova mbetet e përkushtuar ndaj partneriteteve të sinqerta, në shërbim të paqes dhe stabilitetit ndërkombëtar.
“Kosova ecën përpara duke fituar miq”, ka shkruar Osmani.
Ndryshe, presidentja e Kosovës, Vjosa Osmani, të premten, ka njoftuar se Bahamet kanë njohur pavarësinë e Kosovës, duke e cilësuar këtë vendim si një “akt historik për vendin tonë”.
Me këtë njohje, Bahamet janë bërë shteti i 121 që e njeh Kosovën./teve1.info/
