Osmani ka thënë se medalja e ndarë për gazetarin tashmë të ndjerë, është shprehje e “mirënjohjes shtetërore për kontributin e çmuar të cilin Gashi, si gazetar e aktivist shumëvjeçar e ka dhënë për dhjetëvjetësha të tërë për shpërndarjen gjithandej të së vërtetës së Kosovës”.
Teksa, në ceremoninë e organizuar sot në prani të familjarëve dhe të miqve, ajo ka theksuar se Gashi ka qenë burim i së vërtetës për Kosovën dhe SHBA-në.
“Ai ishte zëri i Kosovës. Ne sot po e institucionalizojmë kujtesën për të duke e dekoruar me Medaljen Presidenciale të Meritave për kontributin shumëvjeçar në pasqyrimin e së vërtetës së Kosovës e për të në arenën ndërkombëtare”, ka thënë ajo.
