Sulmuesi Victor Osimhen ka aterruar në aerportin e Stambollit, ku është pritur nga mijëra tifozë të entuziazmuar të Galatasarayt.
Osimhen do ta kompletojë transferimin e tij te Galatasaray, pasi t’iu nënshtrohet kontrollimeve mjekësore të enjten dhe të prezantohet te skuadra turke.
Sulmuesi 26-vjeçar është shprehur tejet i lumtur që do të jetë pjesë e Galatasarayt, ekip që do ta bëjë të përhershëm transferimin e tij nga Napoli.
Sezonin e shkuar, Osimhen ishte i huazuar te Galatasaray dhe me këtë skuadër e fitoi titullin e kampionit dhe Kupën e Turqisë.
Për transferimin e plotë të nigerianit, Galatasaray do t’i paguajë në total 75 milionë euro, ku fillimisht do të paguajë 40 milionë dhe 35 milionë tjera deri në fund të vitit 2026.
