Shefi i Zyrës së Bashkimit Evropian në Kosovë, Aivo Orav, ka përshëndetur dorëzimin e qetë dhe ligjor të pushtetit në katër komunat veriore të Mitrovicës.
Përmes një postimi në platformën “X”, Orav ka njoftuar se të hënën ka zhvilluar një takim me katër kryetarët e rinj të komunave veriore në Zveçan.
Ai tha se gjatë takimit ka ritheksuar nevojën për një angazhim konstruktiv midis autoriteteve qendrore dhe lokale, si dhe mbështetjen e Bashkimit Evropian për garantimin e të drejtave të komuniteteve joshumicë, në përputhje me Kushtetutën e Kosovës.
“Takova sot 4 kryetarët e rinj veriorë në Zveçan, ku përshëndeta dorëzimin e qetë të pushtetit lokal në përputhje me ligjin e Kosovës. Ritheksova nevojën për angazhim konstruktiv midis autoriteteve qendrore dhe lokale, si dhe mbështetjen e 🇪🇺 për realizimin e të drejtave të komuniteteve joshumicë sipas Kushtetutës së 🇽🇰”, ka shkruar Orav.
Meeting 4 new northern mayors in Zvečan/Zveçan tdy, I welcomed the smooth handover of local gov. in line w/🇽🇰law.
I reiterated the need for constructive engagement between central&local authorities and 🇪🇺’s support for realizing non-majority community rights as per🇽🇰Constitution. pic.twitter.com/9V2woJwD09— Aivo Orav (@AivoOrav) December 8, 2025
