Omani i ka paraqitur Iranit një propozim për një mekanizëm të përbashkët rajonal për të menaxhuar Ngushticën e Hormuzit me tarifa vullnetare, raporton Reuters.
Sipas propozimit të Omanit, i cili ka mbështetje rajonale, Irani nuk do të ushtronte kontroll të vetëm mbi këtë rrugë ujore jetësore, i tha agjencisë një burim i paidentifikuar nga Gjiri.
Propozimi bazohet në Ngushticën e Malakës , ku ata që e përdorin ngushticën kontribuojnë vullnetarisht për të financuar lundrimin, mbrojtjen e mjedisit dhe kërkim-shpëtimin.
SHBA-të pezulluan papritur një fushatë sulmesh ajrore kundër Iranit gjatë fundjavës, duke rritur shpresat për një zgjidhje diplomatike që do të lejonte rifillimin e transportit detar në Ngushticën e Hormuzit, e cila transportonte një të pestën e furnizimeve globale me energji përpara luftës SHBA-Izrael kundër Iranit.
