Të martën drejtori i shkollës “Luciano Motroni” në Prizren, ka marrë mesazhe kërcënuese nga një nxënës.
Lajmin për teve1.info e ka konfirmuar zëdhënësi i policisë për rajonin e Prizrenit, Shaqir Bytyqi.
Bytyqi tha se nxënësi i ka shkruar disa mesazhe drejtorit se e ka bërë një listë të nxënësve që do t’i vrasë.
Tutje, ai ka bërë të ditur se Policia në koordinim me prokurorin e shtetit janë duke u marrur me rastin.
“I mituri ka kanosur nëpërmjet WhatsApp. Policia në koordinim me prokurorin e shtetit janë marrë me rastin”, tha Bytyqi.
