Pavarësisht kësaj, nga Ministria e Punëve të Jashtme me anë të një komunikate ka thënë se Kosova në këtë mbledhje të mbajtur në Torino të Italisë ka marr mbështetje për anëtarësim në këtë organizatë.
“Republika e Kosovës është mirënjohëse për mbështetjen e marrë për përpjekjet tona për anëtarësimin e plotë në Këshillin e Evropës. Deklarimet e sotme në Këshillin Ministror në Torino të Italisë, e shpalosën këtë përkrahje ndaj synimeve tona. Kosova gjatë javëve dhe muajve në vijim do t’i bëjë të gjitha përpjekjet e nevojshme për ta përmbushur aspiratën e qytetarëve të saj që shteti i tyre të pranohet nga Këshilli i Evropës si anëtar i plotë i familjes evropiane”, thuhet në njoftimin e MPJD-së.
Por, partitë opozitare po e kritikojnë qeverinë për mosangazhim në procesin e anëtarësimit të Kosovës në këtë organizatë.
Vlora Çitaku nga Partia Demokratike e Kosovës, thotë se tani mund të zvarritet pranimi i Kosovës në Këshillin e Evropës dhe sipas saj Qeveria ka qenë dashur të loboj më shumë për këtë gjë.
Edhe Xhafer Tahiri nga Lidhja Demokratike e Kosovës, thotë se qeveria e vendit e ka neglizhuar procesin e anëtarësimit në këtë organizatë.
Meqenëse Komiteti i Ministrave të Këshillit të Evropës mbahet një herë në vit, aplikimi i Kosovës mund të hyj në diskutim në majin e vitit 2023, në takimin që do të mbahet në Irlandë.
Raporti i gazetarit Valmir Gallopeni.
