Një qytetar është gjetur i vdekur në banesën e tij në Obiliq të mërkurën, raporton teve1.info
Sipas Policisë së Kosovës, rasti ishte lajmëruar nga gruaja pasi nuk i ishte përgjigjur në telefon, derisa as hapjes me forcë të derës së banesës, viktima ishte gjetur pa shenja jete në shtratin e tij.
Trupi i pajetë është dërguar në Institutin e Mjekësisë Ligjore për obduksion derisa vdekja e tij po hetohet.
“Rr. Adem Jashari, Obiliq 19.07.2023 – 00:20. Njësitë policore pas marrjes së informatës nga dëshmitarja, se viktima mashkull kosovar nuk është duke u përgjigjur në telefon, së bashku me njësinë e zjarrfikësve, me forcë kanë hapur derën e banesës së viktimës dhe të njëjtin e kanë gjetur në shtrat pa shenja jete, vdekjen e të cilit e ka konstatuar mjeku. Me urdhër të prokurorit trupi i pajetë i viktimës është dërguar në IML për obduksion”, thuhet në komunikatë.
