Manchester City ka bërë hap fals ta ruajë hapin me Arsenalin. Kampioni në fuqi i Anglisë në udhëtim “ngeci” me një barazim ndaj Nottingham Forestit 1:1. Bernardo Silva zhbllokoi ndeshjen me një gol fantastik në minutën e 41’, por Chris Wood barazoi sfidën në minutën e 84’. Padyshim që ky barazim ka gëzuarë në masë tifozët të Arsenalit.
City është ngjitur në kuotën e 52 pikëve, dy më pak se skuadra e Artetës, që ka luajtur një ndeshje më pak.
Chelsea vazhdon të mos “ndezë”. “Blutë” u mposhtën në shtëpi 0:1 nga Southamptoni, duke shënuar ndeshjen e katërt radhazi pa fitore në Premierligë.
James Ward-Prowse realizoi golin e fitores për “Shenjtorët” në minutat shtesë të pjesës së parë. Kapiteni ekzekutoi saktë një goditje dënimi. Ky ishte goli numër 17 me goditje dënimi për Ward-Prowse, i cili synon të barazojë rekordin e David Beckham (18).
Evertoni iu fal një eurogoli të kapitenit Seamus Coleman për të thyer 1-0 Leeds United. Fitore në transfertë arritën edhe Fulham e Bournemouth, ndërkohë që Brentford-Crystal Palace u mbyll në barazim 1-1.
