Gjykata Themelore në Ferizaj, të premten i ka caktuar masën e paraburgimit të pandehurit E.V. i dyshuar për kryerjen e veprës penale “fajde’.
Në njoftim thuhet se ekziston dyshimi i bazuar që i pandehuri nga muaji dhjetor 2023, në Fushë Kosovë ka ndihmuar të pandehurin Sh.V., në kryerjen e kësaj vepre penale, duke përfituar kështu dobi pasurore në shumë rreth 40 mijë euro.
“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda, ka vlerësuar se ekziston dyshimi i bazuar, se i pandehuri nga muaji dhjetor 2023 në Fushë Kosovë ka ndihmuar të pandehurin Sh.V., në kryerjen e veprës penale të fajdesë, në atë mënyrë që me kërkesën e të pandehurit Sh. Në fillim të çdo muaji ka shkuar te objekti ndërtimor afarist në Fushë Kosovë i cili është pronë e të pandehurit Xh. Sh., dhe është prezantuar me emër V.V., kurse prej qiramarrësve të lokaleve afariste ka marrë qiratë për të pandehurin Sh.V. dhe atë F.H. në shumë prej 300 euro në muaj, S.K. në shumë prej 2.000 euro, J.Sh., në shumë prej 450 euro në muaj, B.M. në shumë prej 250 euro në muaj, A.G., në shumë prej 600 euro në muaj dhe S.K. në shumë prej 250 euro në muaj, duke përfituar dobi pasurore në shumë rreth 40.000 euro”, bëhet e ditur në njoftim./teve1.info/
