Osmani ka thirrur në takim krerët e partive për konsultim lidhur me zgjedhjet komunale në komunat veriore.
Pjesëmarrjen e ka konfirmuar Partia Demokratike e Kosovës, ku për Teve1.info nga kjo parti kanë thënë se nënkryetarja Vlora Çitaku e përfaqëson PDK.
Pjesë e këtij takimi është edhe nënkryetari i LDK-së, Imri Ahmeti.
Ndërkaq, Aleanca për Ardhmërinë e Kosovës nuk po merr pjesë në takimin me Osmanin.
Presidentja e Kosovës, Vjosa Osmani, sot ka thirrur në takim partitë politike për konsultim lidhur me zgjedhjet komunale në komunat veriore: Mitrovicë e Veriut, Leposaviq, Zubin Potok dhe Zveçan.
Kujtojmë se zgjedhjet në veri janë përcaktuar të mbahen më 18 dhjetor. Mirëpo, Shtetet e Bashkuara të Amerikës dhe Gjermania kanë kërkuar që ato të shtyhen, pasi siç thanë ata, nuk janë kushtet e duhura për zhvillimin e tyre. /Teve1.info/
