Në Kuvendin e Kosovës ka nisur seanca e jashtëzakonshme, në të cilën në rend dite është shqyrtimi i ndryshimeve në Ligjin për Dhomat e Specializuara, i njohur si Ligji për Specialen, si dhe më pas zgjedhja e presidentit të Kosovës.
Në nisje të seancës, kryetarja e Kuvendit, Albulena Haxhiu, ka njoftuar deputetët për procedurën që duhet të ndiqet para votimit të projektligjit.
Haxhiu ka bërë të ditur se Projektligji për ndryshimin dhe plotësimin e Ligjit për Dhomat e Specializuara duhet të shqyrtohet nga Komisioni për Legjislacion, përpara se të rikthehet në sallën e Kuvendit për votim në lexim të dytë.
Deputetët, me 89 vota pro, kanë votuar për shmangien e procedurave për shqyrtimin dhe votimin e projektligjit në lexim të dytë.
“Ta shqyrtojmë menjëherë në komision dhe të vazhdohet me lexim të dytë”, ka deklaruar kryeparlamentarja Haxhiu pas votimit.
Pas përfundimit të procedurës për ndryshimet në Ligjin për Specialen, deputetët pritet të votojnë për presidentin e Kosovës.
Ndërkohë, kanë mbetur rreth gjysmë ore deri në përfundimin e afatit të përcaktuar për zgjedhjen e presidentit./teve1.info/
