Në Gjykatën Speciale me seli në Hagë, ka nisur seanca e deklaratave përmbyllëse në procesin ndaj ish-presidentit të Kosovës, Hashim Thaçi, ish-kryeparlamentarëve, Kadri Veseli dhe Jakup Krasniqi, si dhe ish-deputetit Rexhep Selimi.
Sipas gjykatës, punimet kanë nisur me vonesë dhe seanca ka filluar rreth orës 09:40, ndërsa transmetimi me vonesë ka filluar në orën 10:25. Të pranishëm në sallë janë të akuzuarit dhe përfaqësuesit e palëve.
Pas paraqitjes së mbrojtjes për secilin të akuzuar, trupi gjykues do të ketë mundësinë të parashtrojë pyetje për palët, ndërsa më pas fjalën do ta ketë Prokuroria.
Deri më tani, fjalët përmbyllëse janë dhënë nga Prokuroria, ekipi mbrojtës i viktimave, si dhe mbrojtja e Thaçit, Veselit dhe Selimit.
