Ka nisur me vonesë seanca konstituive e Kuvendit të Kosovës, e cila ishte paraparë të vazhdonte në orën 14:00.
Në sallën e Kuvendit janë të pranishëm deputetë të Lëvizjes Vetëvendosje (LVV) dhe të Lidhjes Demokratike të Kosovës (LDK), ndërsa Partia Demokratike e Kosovës (PDK) ka bërë të ditur se nuk do të marrë më pjesë në punimet e Kuvendit.
Në rend dite është zgjedhja e nënkryetarëve të Kuvendit, proces ky që mbeti i papërfunduar gjatë seancës së paradites.
Seanca e orës 11:00 ishte ndërprerë pasi PDK-ja lëshoi sallën, pas mosvotimit të kandidates së saj për nënkryetare, Vlora Çitaku.
Tashmë, me rikthimin e deputetëve në sallë, ka nisur vazhdimi i seancës konstituive.
