Gazeta italiane Il Messaggero pretendon se Nicolo Zaniolo është gati të padisë Romën, me marrëdhëniet mes klubit dhe lojtarit në nivelin më të ulët historik.
23-vjeçari kishte kërkuar të transferohej në merkato e janarit dhe ndërsa destinacioni i tij i preferuar ishte Milani, oferta e vetme e fortë erdhi nga skuadra e Premierligës, Bournemouth.
La Gazzetta dello Sport raporton se pasi fillimisht refuzoi ofertën e tyre, lojtari kishte vendosur të pranonte një lëvizje, por që Bournemouth u tërhiq nga marrëveshja.
Zaniolo ka qenë subjekt i sulmeve të zemëruara nga ultrasët e Romës që u mblodhën jashtë shtëpisë së tij në fundjavë, pas humbjes 2-1 të Romës ndaj Napolit të dielën në mbrëmje, duke fajësuar të riun për humbjen.
Il Messaggero tani raporton se Zaniolo po përgatit një grup avokatësh për të paditur Romën për ‘presion psikologjik’ pas ngjarjeve të javëve të fundit. Gazeta pretendon se prindërit e lojtarit besojnë se ‘masakra mediatike’ është shkaktuar nga Giallorossi.
Zaniolo aktualisht po stërvitet i vetëm në qendrën stërvitore të Romës, Trigoria, por humbi seancën e djeshme pa e lajmëruar klubin.
