Ushtruesi i detyrës së drejtorit ekzekutiv të Agjencisë së Statistikave të Kosovës (ASK), Avni Kastrati ka mohuar se ndonjë nga regjistruesit e tyre të popullsisë në terren, ka hasur në ngacmime gjatë kryerjes së këtij procesi.
Kastrati ka njoftuar se regjistruesve, nëse ndihen të rrezikuar u lejohet të marrin në përcjellje ndonjë të afërm si vëlla, motër apo burrë.
“Nuk kemi zyrtarisht ndonjë rast që është lajmëruar te ne. Ne zyrtarisht nuk kemi marrë me protokoll diçka në fushën e tillë. Regjistruesi kur e sheh të rrezikshme për të hyr në një ekonomi familjare, mos me hy vetëm, mund ta ketë mbikëqyrësin. Mund të këtë përcjellje nga një i afërm, motër, vëlla, burrë apo çfarëdo tjetër. Janë trajnuar për këtë nivel. Nëse është familje e zakonshme s’ka nevojë për përcjellje”, është shprehur ai në konferencë.
Ndryshe, regjistrimi i popullësisë në vendin tonë ka nisur më 5 maj prill, proces ky që do të zgjasë deri më 17 maj. /teve1.info/
