Mesnatën e së mërkurës një grua u therë më thikë gjatë një konflikti me një klient në një lokal në Fushë Kosovë. I dyshuari dhe viktima kanë marrë trajtim mjekësorë. Ndërsa i gjithë rasti është duke u hetuar si “ Lëndim i rëndë trupor”.
Njollat e gjakut ishin ende prezente.
Kjo meqë mesnatën e së martës, në rrugën “Shefki Kuleta” në Fushë Kosovë ndodhi një incident.
A.G i cili ishte klient i kësaj masazhe, u përlesh më A.D, ku dyshohet se këtë të fundit e goditi me thikë.
Ndërsa A.D poashtu dyshohet që të ketë hedhur sprej në drejtim të 46-vjeçarit A.G.
Kurse me rastin janë duke u marr edhe organet e policisë.
“Informata është pranuar rreth orës 01:30, se në rrugën “Shefki Kuleta” në Fushë Kosovë, dyshohet për një rast te therjes me thike. Policia ka dale në vendin e ngjarjes dhe nga informacionet e para është bërë e ditur se ngjarja ka ndodhur në një lokal me ç ‘rast dyshohet të jetë përdorur thika dhe spreji. Të dyshuarit (të lënduar) kanë marrë trajtimin e nevojshëm mjekësor ndërkaq me rekomandimin e prokurorit te shtetit është iniciuar një hetim ne drejtim të veprës penale “Lëndim I rëndë trupor”, ka thënë Agron Borovci, zëdhënës i policisë për rajonin e Prishtinës.
Tëvë1 ka tentuar të mësoj se si është gjendja e personave të përfshirë në këtë rast, mirëpo nga Qendra Emergjente nuk dhanë detaje.
Ndërkohë, tëvë1 ka tentuar të marrë një qëndrim edhe nga vendi ku ndodhi ngjarja, por që gjatë kohës sa ka qëndruar aty ishte mbyllur.
