Nga 1 shkurti, qytetarët serbë në komunat veriore do të mund ta kryejnë një shërbim të ri.
Me një vendim të Qeverisë së Kosovës, atyre do t’iu mundësohet përkthimi i dokumenteve serbe te lëshuara nga institucionet paralele, në gjuhën shqipe.
Për këtë të martën në Komunën e Zveçanit, qëndroi ministri për Komunitete dhe Kthim, Nenad Rashiq.
Pas takimit me të parin e Komunës, Nenad Rashiq dha detaje rreth këtij vendimi.
Ai shprehet i bindur se këtë vendim do ta implementojnë serbët lokalë.
Edhe kryetari, Ilir Peci thotë se ky vendim është marrë edhe me kërkesë të serbëve.
Afati për përkthimin e dokumenteve do të jetë deri më 30 prill.
