Sulmuesi Neymar, e ka vazhduar kontratën me skuadrën e Santosit deri në fund të vitit 2026, ndërsa shpreson të marr ftesë nga Brazili për Kupën e Botës.
33-vjeçari u kthye në klubin e fëmijërisë para një viti, ndërsa për Brazilin nuk ka luajtur që nga viti 2023 për shkak të telasheve me lëndimet dhe formën.
Ish-ylli i Barcelonës dhe PSG-së kishte luajtur me dhembje për të ndihmuar Santosin të mbetej në elitën braziliane vitin e kaluar, ku shënoi pesë gola në pesë ndeshjet e fundit.
Më pas, Neymar iu nënshtrua një operimi në gju, ndërsa shpreson të kthehet shpejtë dhe të jetë në Botërorin e këtij viti që mbahet në SHBA, Meksikë dhe Kanada.
“Santosi është vendi im. Jam në shtëpinë time. Me ju dua të realizoj ëndrrat që ende nuk i kam realizuar”, u ka thënë Neymar tifozëve të Santosit pasi vazhdoi kontratën.
