Nedim Bajrami pritet të vijojë karrierën te gjigantët skocez të Glasgow Rangers.
Këto janë raportimet e fundit që vijnë nga mediat shqiptare në Maqedoninë e Veriut.
Sipas “Sportmandia” 25-vjeçari do të kalojë në formë huazimi me të drejtë blerje te Rangers.
Ai pritet që të jetë shqiptari i dytë që vesh fanellën e skuadrës skoceze gjatë viteve të fundit, ndërsa në të kaluarën pjesë e këtij klubi ka qenë Eros Grezda.
25 vjeçari sezonin e fundit ishte pjesë e Sasuolos në Seria A, por zbritja e klubit italian në Serinë B ka ndryshuar planet e mesfushorit shqiptar ndërsa më herët ka luajtur edhe për Empolin, Grashoperin dhe Zurichun.
Vlen të theksohet fakti se Nedim Bajrami shkëlqeu në Kampionatin Europian me Shqipërinë këtë verë, duke hyrë në historinë e Evropianeve me golin më të shpejt të realizuar ndonjëherë.
