Këtë të shtunë në Prishtinë janë organizuar homazhe për Lindsey Olin Graham, i cili ndërroi jetë më 11 korrik të këtij viti në moshën 71-vjeçare.
E për nder të tij, Shoqata “Miqtë e Amerikës” organizoi homazhet, duke e vlerësuar kontributin e tij në mbështetjen dhe forcimin e marrëdhënieve me Shtetet e Bashkuara të Amerikës.
Ndërsa kryetari i shoqatës, Agim Rexhepi, u shpreh se kjo është më e pakta që mund të bëjnë për ta nderuar veprën e senatorit amerikan.
“Një senator që ka bërë shumë për SHBA-në, një senator që ka bërë shumë për botën, që ka pasur kërkesa dhe vendime konkrete për avancimin e çështjes së Kosovës, avancimin e çështjes së Ballkanit, avancimin e NATO-s dhe ruajtjen e asaj substance, si dhe avancimin e saj në një formë edhe më të lartë se ajo që ekziston. Njëkohësisht, ka qenë një luftëtar shumë i fuqishëm në veprimet kundër Rusisë. Prandaj, unë mendoj se ky personalitet ka merituar që ne të bëjmë shumë më tepër se kaq”, tha Rexhepi.
Në këto homazhe ishin të pranishëm edhe pjesëtarë të Policisë dhe zjarrfikësve, por të cilët nuk pranuan të deklaroheshin para kamerave.
Ndryshe, aleati i ngushtë politik i presidentit amerikan, Donald Trump, ishte i njohur si një mbështetës i vendosur i politikës së jashtme dhe një zë udhëheqës.
