Dosja e parë e cila u dorëzua në Institutin për dokumentimin e krimeve të kryera gjatë luftës në Kosovës ishte dosja e fëmijëve të zhdukur gjatë periudhës 1998 – 1999.
E për këtë çështje kryetari i Këshillit Koordinues për të zhdukurit, Ahmet Grajqevci, shprehi shqetësimin e tij duke theksuar se në mungesë të Insitutit, tash e 25 vjet kanë humbë shumë materiale që e kanë dëshmuar krimin e Serbisë në Kosovë.
Sipas Grajqevcit në keto material të humbura ka pasë incizime, letra të shkruara e dëshmi të shumta të masakrave të kryetar por të cilat sipas tij, kanë humbur duke lëvizur nga vendi në vend.
“Në atë material çka nuk ka pasë, çdo gjë ka pasë. Ka pasë video incizime ka pasë material në letër të shkruara për çdo ditë se çka ka ndodhur dhe sa janë vrarë. Ka pasë incizime të ndryshme ka pasë mjete të cilat i kanë përdorë për masakra, të gjitha ato do të thotë aty kanë shumë, duke levizë prej një vendi në vend tjetër. Unë nuk e di unë po e them që kur është themeluar Instituti për Krime Lufte atëherë e kemi pas një kryetarë i cili është quajtur Bajram Krasniqi, avokat ka qenë, i kemi tubu i kemi përcjellë çdo gjë përmes kryetarit të komisionit. Çdo komunë e ka pas të ndarë pjesën e vet e tash ku ka mbet dhe si është humb ai material nuk e di por është mbajtë nëpër podrume dhe ndoshta e ka humb edhe efektin e vet”, tha Grajqevci në emisionin “Ditari” në Tëvë1.
Derisa apeloi te kryetarët e Komunave të cilat posedojnë material të tilla t’i dorëzojnë në Institutin për Krime Lufte.
“Materiale ka të mjaftueshme por ato nuk i dimë se ku kanë mbetë, të gjithë duhet të interesohemi. Ne një kopje e kemi lënë edhe nëpër komuna do të thotë mua po më qudisin një kopje ka shku në arkiv një kopje ka mbetë në komuna tash as në komuna nuk poi gjejmë shumicën e dosjeve në komuna por apeloj nga kjo studio që të gjithë kryetarët e komunave që kanë materiale t’i dorëzojnë në Institutin për Krime Lufte sepse kanë qenë ato dhe unë gjith kam qenë në vëzhgim të dosjeve ku po mbesin”, shtoi ai.
Ndryshe që nga 17 shkurti 2024, secili qytetarët mund të dorëzojë materiale të mbledhura mbi krimet e ndodhura gjatë luftës së fundit në Kosovë në Institutin e Krimeve të Kryera.
Kështu ka bërë të ditur kryeministri i Kosovës, Albin Kurti, në ceremoninë ku u bë dorëzim-pranimi i dokumenteve të para.
“Për dokumentimin e krimeve të luftës, krimeve kundër njerëzimit dhe veprimeve gjenocidale të Serbisë kemi themeluar Institutin e Krimeve të Kryera gjatë luftës në Kosovë. Krahas institucioneve shtetërore, nga sot dokumentuesit dhe hulumtuesit e pavarur, shoqëria civile, ekspertët e jashtëm”, deklaroi Kurti.
“Këto materiale do të arkivohen, do t’i shërbejnë institutit në hulumtimin e krimeve të kryera gjatë luftës. Që sot ju ftoj të bashkoheni në këtë nismë. Mediat, gazetarët e qytetarët kanë institutin që i pret materialet e dëshmitë e mbledhura”, tha Kurti mes tjerash./teve1.info/
