Në fshatin Gushavc të Mitrovicës është protestuar kundër formimit të Asociacionit të Komunave me Shumicë Serbe.
Kjo protestë është thirrur nga ish-kryetari i Komunës së Mitrovicës, Agim Bahtiri, tranmseton teve1.info.
“Të nderuar qytetarë, Ju ftoj që sikur çdoherë tjetër, edhe kësaj radhe të tregojmë qëndresën tonë stoike për mbrojtjen e territorit të Republikës së Kosovës, 
njëkohësisht, ta inkurajojmë Qeverinë e Republikës së Kosovës që të mos lëshojë pe dhe të mos lejojë në asnjë mënyrë themelimin e këtij asociacioni famëkeq. Gjaku i dëshmorëve na thërret edhe nga varret, që të bëhemi bashkë e të mos lejojmë që armiku serb të sundojë në tokën tonë”, kishte deklaruar Bahtiri.
Ndërkohë faqe lokale të qytetit të Mitrovicës kanë postuar fotografi nga protesta.
