Pasojat e këtij ndikimi rus, të mbështetur nga Beogradi zyrtar, tashmë janë evidente dhe manifestohen në forma të ndryshme, që nga propaganda mediale e deri te sulmet me bomba në pjesën veriore të vendit, barrikadat, e protestat e kamufluara të grupeve kriminale.
Anëtari i komisionit për siguri nga radhët e LDK-së, Anton Quni, në një intervistë në emisionin “Ditari” në tëvë1 tha se tensionet në veri shkaktohen për interes të Rusisë, për krijimin e vatrave të reja të krizës.
“Rusia janë shumë të interesuar për të hapur vatra të reja dhe me e shpërqendruar vëmendjen e qendrave të vendimmarrjes, botës demokratike, të NATO-s, aleatëve etj, nga ngjarjet që po ndodhin në Ukrainë. Krijimi i vatrave të reja është hapje e frontit dhe një lloj disprezioni i fuqisë që e kanë NATO, partnerët etj. Dhe filluar nga kjo është e kuptueshme që edhe në rastin kur Serbia është deklaruar si aleat i fuqishëm i Rusisë i vetmi shtet në Evropë që nuk e ka dënuar aktin e agresionit dhe nuk ka vu sanksione, por ka pas indikacione edhe më herët që me ngritjen e disa bazave afër Nishit, Preshevës, me angazhimin e OJQ-vë, sulmet kibernetike etj, që të implikuar edhe për krijimin e një situate të jashtëzakonshme, situate të konfliktit në veriun e Kosovës”, ka thënë Quni.
E njohësi i çështjeve të sigurisë, Hysen Gecaj thotë se Rusia, përmes Serbisë destabilizon tërë Ballkanin.
Për tensionimin e situatës, autoritetet ruse kanë reaguar gjatë së hënës, ku ndër të tjera kanë thënë se situata e tillë vije për shkak se BE vendosi të mbaj samitin në Tiranë.
Kronika e gazetrait Valmir Gallopeni.
