Prodhimi i dyerve dhe dritareve është puna që bënë kjo fabrikë në Vushtrri.
Por kërkesat të cilat i ka brenda dhe jashtë Kosovë nuk po mund të realizojë ashtu siç ka planifikuar.
E gjithë kjo për shkak të ndërprerjeve të shpeshta të energjisë elektrike gjatë javës së fundit.
Këto ndërprerje, sipas menaxherit, po u shkaktonjnë dëme të mëdha kësaj fabrike.
“Telashe kemi pasur tërë javën dhe tani procesin e punës po na dëmton sepse e kemi gjatë saldimit se kur ndërpritet rryma dritarja dëmtohet nëse ndalet rryma. Vlera është kogja e madhe se kjo është makinë e prodhimit diku vlera shkon afër 10 mijë euro brenda një jave. Qitu bëhet saldimi i komplet dritares katër kokshe përnjëherë e ka temperaturën e njëjtë si të ndalet rryma dëmtohet dritarja se ajo më nuk është funksionale”, ka thënë Haradinaj .
Nga komunikimet që kanë pasur me KEDS i është thënë se e gjithë kjo po ndodhë për shkak të punimeve në rrjet.
E nga kjo kompani kanë një kërkesë.
“Ndërprerje ka pasur prej tetëve deri në 12 ka ardhur 20 minuta e tani apet deri në katër nuk ka pasë në qatë kohë sa kemi mund me punu dhe pastaj na ka ndërpre pastaj ka mbet procesi në gjysmë. Kërkesa jon është të paktën te kemi një paralajmërim më herët që ka ndërprerje që më qenë të përgatit ne”, theksoj Haradinaj.
E me ndërprerje të energjisë elektrike po përballen edhe shumë qytete të tjera.
Për këtë, shumë ankesa erdhën edhe në Dhomën e Tregtisë.
“Në dy tre javë e fundit në çdo vizitë që e kemi bërë, kemi marrë ankesa të shumta për reduktime dhe goxha të gjata të energjisë elektrike. Për një biznes çuditë nëse është konsumator me tarifa të rregulluara apo në treg të lirë është një humbje kolasiale dhe një rritje e kostos të prodhimit në Kosovë pastaj.Pastaj ka biznese që kanë të pamundur më mbulu gjithë kërkesën me gjenerator”, u shpreh Ahmeti.
Prandaj nga Dhoma e Tregtisë kërkojnë auditim të punës që po bëhet në teren.
“Ka nevojë me pas një auditim të pavarur për të gjitha investimet që po thotë KEDS-i edhe që po thotë KOSTT që i ka bërë në rrjetin e energjetike. Pra derisa po vazhdojnë këto investime ne dëshirojmë me pa. Askush nuk po jep një përgjigje të qartë se pse po ndodhin këto reduktime”, ka përfunduar Ahmeti.
Për këtë cështje, TËVË1 ka dërguar pyetje edhe në KEDS.
Por të njëjtit nuk kanë kthyer përgjigje.
