Duket se e ardhmja e sulmuesit Albion Rrahmani është e lidhur me një kalim në Serie A këtë verë.
Mediumet rumune kanë raportuar të hënën se Rapid Bukureshti ka marrë ofertë zyrtare nga Napoli për sulmuesin e Kombëtares së Kosovës.
Mësohet se Napoli ka ofruar 10 milionë euro, sa edhe Rapidi po kërkon për ta lënë të lirë Rrahmanin këtë verë.
23-vjeçari po pëlqehet shumë nga drejtuesit e ekipit italian dhe sipas të gjitha gjasave do të largohet nga Rapidi në verë për t’iu bashkuar Napolit. Rrahmani verën e shkuar iu bashkua Rapidit nga Ballkani i Suharekës për 600 mijë euro dhe ka shpërthyer në edicionin e tij të parë në Rumani.
Në 24 ndeshje të luajtura deri më tani për Rapidin, Rrahmani ka shënuar 19 gola dhe ka bërë 4 asistime. Ai ka kontratë me Rapidin deri në vitin 2026, ndërsa po monitorohet edhe nga Aston Villa, Werder Bremeni e Benfica.
